கைரேகையும் ஜோதிடமும் பகுதி 2 - சந்திர மேடு…

கைரேகையும் ஜோதிடமும் பகுதி 2 - சந்திர மேடு

மனித வாழ்வை காலந்தொட்டு கணிக்க உதவும் வேத ஜோதிடத்திற்கு பிறகு அடியேனால் மிக மதிக்கபடும் கணிதங்கள் கைரேகை ஜோதிடம் மற்றும் நாடிஜோதிடம் ஆகும். இதில் கைரேகை ஜோதிடத்தில் மற்றும் நாடிஜோதிடத்தில் எனக்கு பெரிய படிப்பும் மற்றும் அனுபவமும் இல்லையேன்றாலும் வேத ஜோதிடத்தை ஒட்டிய ஒப்பீடு ஆன சில கருத்துகளை படித்துள்ளேன்  அதில் வேத ஜோதிடத்தில் எப்படி நவகிரகங்கள் இருக்கின்றனவோ அது போல கைரேகையிலும் இராகு கேது தவிர சப்தகிரகங்களின் தொடர்பு இருக்கிறது அதை கைரேகையில் கிரக ஆதிக்க மேடுகள் என்று அழைக்கப்படுகிறது அந்த சப்தகிரக மேடுகளுடன் நமது  வேத ஜோதிட கிரக மற்றும் ஸ்தான காரகத்துவங்களையும் சேர்த்து ஒப்பிட்டு இந்த பதிவை படித்த மற்றும் அனுபவ அறிவையும் இணைத்து எழுதுகிறேன்


 
சந்திர மேடு -
கைரேகையில் இயல்பான புத்திரேகை முடியும் இடத்திற்கு கீழ் உள்ளங்கையின் இடதுபக்க மணிகட்டுக்கு மேலே இடம் கொண்டிருக்கிறது சந்திர மேடு ஆகும். வியபாரம், உணவுவசதி, நீர்வளம், சுபாவம், பிரயாணம், நட்புவட்டம், மன ஆற்றல், மன தைரியம், தாயாருடன் உறவுநிலை, கற்பனைத் திறன், எதிலும் உள்ள தன்மை ஈடுபடுத்தும் திறன், சூதாட்டம், உணர்ச்சிவசம், சமூகபணிகள் ஆகிய  சந்திரனின் காரக பலம் இதை ஜாதக மற்றும் கைரேகையோடு ஒப்பிட்டு அமைத்து பார்க்கும் போது ஜாதகத்திலும் மற்றும் கைரேகையிலும் இந்த சந்திர இருப்பு நன்றாக அமைந்தால் மேலே சொன்ன பலன்கள் சிறப்பான முறையில் அமையும். அதாவது கைரேகையில் இந்த சந்திர மேடு பருத்து பரந்து நல்ல மேல் நோக்கிய சுருள் உடன் மேலும் நல்ல குறிகளுடனும் (நட்சத்திரம், சதுரம்...) அமைந்தால் நல்லது. அதே போல ஜாதகத்தில் சந்திரனும் மற்றும் ஸ்தானங்களில் முக்கியமாக 4 ஆம் ஸ்தானமும் மற்றும் அதற்கு அடுத்து 2, 6, 8, 9, 12 ஆம் ஸ்தானமும் சந்திரனின் பலத்தை பிரதிபளிக்கும் ஸ்தானங்கள் ஆகும். இவ்வாறு உள்ள அமைப்புகள் ஜாதகத்தில் நல்லவிதமாக அமைய சந்திரனின் காரக பலம் வாழ்வில் பலப்படும்.
- ஜோதிஷ் சிவதத்துவ சிவம்

0 Response to "கைரேகையும் ஜோதிடமும் பகுதி 2 - சந்திர மேடு…"

கருத்துரையிடுக

Powered by Blogger